НБА

Нова сезона, стара приказна: Нема одбрана за мајсториите на Јокиќ (ВИДЕО)

Објавено

на

16 октомври, 2023

Од

Составот на Денвер Нагетс славеше над Чикаго Булс со 116:102 во претсезоната во НБА лигата, поточно ова беше уште еден тест во кој екипите можеа да видат до каде се пред да започнат вистинските возбудувања.

Никола Јокиќ не беше меѓу најефикасните, но и со тие минути кои ги мина на теренот покажа дека ќе биде проблем за противничките играчи и во новата сезона.

Србинот е познат по својата паметна кошарка, акции во кои не форсира и внимателно ги бира потезите, а кога ќе му тргне едноставно е незапирлив.

Тој имаше 15 поени, 9 скока и 5 асистенции во соочувањето со „биковите“, а неговата мајсторија од почетните минути против Андре Драмонд се најде во фокусот на јавноста, медиумите. Никола потврди колку може да биде лесна кошарката кога е тој во прашање, па откако си создаде простор успеа да погоди тежок шут иако имаша рака во лице.