Норвежаните го отпишаа Халанд за пресметката со Шкотска

Норвешката фудбалска репрезентација ќе се соочи со Шкотска во претстојниот квалификациски натпревар за ЕП 2024, но на него нема да смета на првата ѕвезда.

Ерлинг Халанд има повреда на зглобот и лекарскиот тим на норвешката селекција потврди дека играчот на Манчестер Сити нема да биде во комбинација за соочувањето со Шкотска.

Халанд заработил повреда на дуелот со Фарските Острови, па нема да може да настапи во Глазгов.

– Повредата не е сериозна, но Халанд чувствува болка, па натпреварот со Шкотска доаѓа пребрзо за да може да настапи, – изјавил Ола Санд, предводникот на лекарскиот тим на норвешката репрезентација.

Селекторот Стале Солбакен објавил дека не планира да повикува замена за неделниот натпревар.