Маестралниот Јокиќ го доби дуелот со Дончиќ, Кари донесе победа со сирената во новиот НБА куп (Видео)

НБА клубовите и официјално го отворија првото издание на НБА купот, натпреварување кое американската лига го воведе по примерот на европските клупски натпреварувања и кое ќе донесе посебен интензитет на средбите во групната фаза и завршницата во вториот дел од сезоната.

Првите седум натпревари донесоа возбудливи соочувања, а вниманието го привлече соочувањето на Никола Јокиќ и Лука Дончиќ, при што српскиот центар имаше сличен учинок, но со многу подобра реализација и помалку загубени топки од првата ѕвезда на Далас.

Денвер победи со 125:114, а Јокиќ го завршил натпреварот со 33 поени, 14 скокови и 9 асистенции, додека на спротивната страна Дончиќ реализирал 34 поени, а имал и 10 скокови и 8 асистенции.

Стеф Кари ја презема одговорноста во последниот напад на дуелот меѓу Оклахома Сити и Голден Стејт и успеа да положи со звукот на сирената, по што донесе и победа за неговата екипа со резултат 139:141. Кари го завршил натпреварот со 30 поени.

El game winner de Stephen Curry frente a OKC Thunder 🔥🔥🔥

pic.twitter.com/PZ5lLUfy4N

— Pasion Basket (@PasionBasketNBA) November 4, 2023

Индијана-Кливленд 121:116
Милвоки-Њујорк 110:105
Чикаго-Бруклин 107:109
Мајами-Вашингтон 121:114
Оклахома Сити-Голден Стејт 139:141
Денвер-Далас 125:114
Портланд-Мемфис 115:113 (п)