Иско-магико: Тешко додавање се претвори во генијална асистенција за гол (Видео)

Бетис очекувано го совлада Арис Лимасол и оставри убедлив триумф од 4:1, а потегот на мечот пристигна длабоко во судиското продолжение кога Ез Абде го постави конечниот резултат.

Доскорешениот играч на Барселона покажа завидна брзина и умешно ја смести топката во мрежата на гостите, но потегот кој е за издвојување е оној кој претходеше во акцијата.

Иско Аларкон игра како препороден во дресот на Бетис и се почесто потсетува на најдобрите денови од Реал Мадрид, кога важеше за фудбалски магионичар со топката.

Офанзивниот фудбалер вчера демонстрираше завидна прегледност и режираше потег кој е доследен само за фудбалски генијалци, бидејќи една тешка топка од стоперот ја претвори во контра за гол.

Иско со елегантна штикла успеа да го проигра Абде и ги воодушеви фановите на „Бенито Вилјамарин“, а потегот брзо доби огромно внимание и од шпанската јавност.

Don Isco’s assist tonight ✨

playing as the “false” 9, this is how you deal with a long ball from your CB. pic.twitter.com/wjEVFuqifC

— alarcón🇦🇷 (@Juanin1Oi) November 9, 2023