Ибрахимовиќ работи на еден трансфер и планира да му ги расипе сметките на Јувентус

Златан Ибрахимовиќ од неодамна е дел од раководството на Милан, а по одличните настапи и големиот број погодоци, сега ќе се обиде да им помогне на „росонерите“ на поинаков начин.

Италијанските медиуми тврдат дека Ибра го користи својот авторитет за да обезбеди и некој солиден трансфер за својот клуб, посебно што финаниската ситуација упатува на штедење и насочување кон играчи чиј договор истекува ова лето.

Ибрахимовиќ затоа стапил во контакт со агентите на Фелипе Андерсон, фудбалерот кој летово по се изгледа ќе ја заврши соработката со Лацио, а со својот статус е атрактивен за Милан, но и за други клубови.

Андерсон досега се поврзуваше со Јувентус и наводно преговорите стигнале до завршна фаза, но Ибра ќе се обиде да му ги расипе сметките на ривалот и да го доведе Бразилецот во Милано, како освежување за составот на Стефано Пиоли.

Ибрахимовиќ не е класичен спортски директор, туку конекција на сопствениците со првиот тим на Милан, но никому нема да пречи ако неговиот авторитет биде искористен за зголемување на квалитетот на ростерот.