Грчевски е назначен за ВД селектор на женската ракометна репрезентација

Ракометната федерација на Македонија денеска го назначи новиот, привремен стручен штаб на сениорската женска репрезентација.

Кристијан Грчевски е назначен за ВД селектор, ќе му помагаат Ања Алтхаус и Едуарда Аморим Талевска, а нивна задача ќе биде што поуспешно водење на сениорките во квалификациите за ЕП 2024.

Во прилог и целосното соопштение на РФМ:

– Почитувани. Ве известуваме, во делот на спроведување на програмските активности, а согласно член 35 од Статутот на РФМ , односно Член 3 точка 11 од Законот за здружение и фондации , Управниот Одбор на Ракометна Федерација на Македонија донесе Одлука за именување на г-дин Кристијан Грчевски за (ВД) Селектор на женската сениорска репрезентација , а во стручниот штаб се именувани за помошници тренери Ања Алтхаус и Едуарда Амоурим Талевска.

Именуваните лица ќе бидат во функција вршители на должност (ВД) , за време период на одигрување на квалификациски натпревари за пласман на Women’s EHF EURO 2024.