Ембид повторно го снема, Јокиќ остана господин: Тој е одличен играч…

Никола Јокиќ го предводеше Денвер Нагетс до победа над Филаделфија Севентисиксерс во меч во кој фановите сепак не го добија добија дуелот што го посакуваа со оглед на тоа што Џоел Ембид остана недостапен за средбата.

Камерунецот од 2019 година нема одиграно ниту еден натпревар против Денвер во Колорадо, па често навивачите и јавноста го прозиваат центарот затоа што сметаат дека едноставно бега од соочување со српскиот ас на негов терен.

Меѓутоа ако медиумите, навивачите „бараат крв“, тогаш сосема спротивно е она што се случува меѓу Никола и Џоел, двајца асови кои имаа огромна почит еден кон друг.

-Медиумите создадоа ривалство, но немам ништо против Ембид. Мислам дека е одличен играч. Ако сте љубител на кошарка, љубител на фудбал, навивач на Денвер, навивач на Фили, љубител на коњски трки, па дури и непријател, мора да го почитувате она што го прави Ембид. Еден човек пишува историја пред нашите очи и прави сè да изгледа толку лесно.

-Можеби изгледаше како да е лесен натпревар за нас, но не беше. Филаделфија има добри кошаркари. Затоа мислам дека не треба да зборуваме за Ембид, не само затоа што не играше, туку затоа што Пол Рид одигра многу добро и треба да го истакнеме, -порача Јокиќ.

Embiid and Jokic after the game 🤝

Two of the game’s best. pic.twitter.com/4rDQbOr2jT

— ESPN (@espn) January 28, 2024