Црвена Звезда му врачи отказ на искусниот Ивановиќ (Фото)

Душко Ивановиќ беше своевиден спасител за Црвена Звезда минатата сезона и оствари одлични резултати кога го презема тимот, но поразот од Партизан во АБА финале и лошиот почеток на новата сезона сега завршија со негов отказ.

Српскиот великан оваа саботна вечер излезе со официјално соопштение за искусниот кошаркарски стручњак, појаснувајќи дека е прекината соработката со него после третиот пораз во низа во Евролигата.

– Црвена Звезда Меридијанбет ја известува јавноста дека Душко Ивановиќ повеќе не е тренер на сениорскиот тим. Клубот во оваа прилика уште еднаш му се заблагодарува на Ивановиќ за ес што направи во изминатиот период, за напорната работа и за трудот кој го вложи, начинот на кој го претставуваше клубот и му посакуваме многу здравје и успех во иднина.

– Душко Ивановиќ ја презема Црвена Звезда во ноември минатата година, со тимот освои два трофеи и играше во финалето во АБА лигата. Исто така, после лошиот старт во Евролигата, го однесе тимот до скор од 17-17.

– За изборот на новиот тренер, јавноста ќе биде благовремено известена, – гласи објавата на клубот.

KK Crvena zvezda Meridianbet obaveštava javnost da Duško Ivanović više nije prvi trener našeg seniorskog tima.#kkcz #WeAreTheTeam pic.twitter.com/66U3u3STt6

— KK Crvena zvezda Meridianbet (@kkcrvenazvezda) October 21, 2023