Алкарас: Синер може да го победи Ѓоковиќ

Вториот светски рекет, Карлос Алкарас не успеа да ја мине четвртфиналната рунда на Аустралијан Опен или поточно на патот му застана Александер Зверев кој го совлада со 3-1 во сетови.

Алкарас не беше задоволен од партијата која ја прикажа против Германецот и ќе мора да поправи некои работи ако сака во иднина да освојува пехари на големата сцена.

Меѓутоа токму тој беше единствениот кој го совлада Новак Ѓоковиќ на грен слем турнирите во 2023 година, па запрашан за тоа дали некој може да го совлада од преостанатите играчи во Мелбурн, тој верува дека Јаник Синер има капицитет тоа да го оствари.

-Мислам дека играчите кои се пласираа во полуфиналето го имаат тоа ниво на игра за да можат да го победат Новак. Ајде да видиме. Не е лесно да се победи Новак на ниту еден турнир, а мислам дека е потешко да се направи тоа на грен слем. Следува дуел со Јаник Синер кој игра неверојатен тенис.Тој нема загубено сет на овој турнир. Тоа значи дека има ниво на тенис и капацитет да го победи Новак. Ќе ги гледам тие натпревари и да мислам дека сите играчи кои се во полуфиналето можат да го победат, -истакна Алкарас.