Сузуки официјално побара раскин на договорот со МотоГП

Раководството на Сузуки официјално потврди дека сака да се повлече од МотоГП шампионатот и веќе побарало раскин на договорот.

Јапонскиот производител е во преговори со промотерот Дорна за раскинување на соработката, а истата ќе биде непријатен удар за МотоГП и фановите на овој спорт.

Актуелната економска ситуација е главна причина за ваквиот потег, а во Сузуки истакнуваат дека мора да ги алоцираат ресурсите поради големите промени и кризата во автомобилската индустрија.

Сузуки го напушти МотоГП и во 2011 година, четири години подоцна се врати на елитната сцена, за во 2020 година да ја освои титулата со Жоан Мир.

Сезонава Сузуки има само два моторцикла во конкуренција, а во моментов Мир е на шестото место, додека Алекс Ринс е на четвртата позиција.