Рино се враќа во акција: Гатузо ќе го менува Блан на тренерската позиција

Лион освои само еден бод на првите четири меча во Лига 1, а последниот тежок пораз од 1:4 во дербито со ПСЖ резултираше со отказ на шефот на стручниот штаб.

Легендарниот Лоран Блан заработи отказ од клубот и оваа информација беше официјално соопштена попладенво, по што се повеќе на сила добива информацијата која се пренесува во Франција и Италија.

Водечките луѓе на Лион веќе го имаат избрано наследникот на Блан и се во напредни преговори со него, а станува збор за уште една играчка легенда, неповторливиот Џенаро Гатузо.

Популарниот Рино остана без работа кога самостојно си поднесе оставка во Валенсија на стартот на 2023-та година, но сега прифатил нов интернационален предизвик и дал зелено светло за преземање на Олимпик.

Последните вести велат дека двете страни ја одобриле операцијата и си подале рака, па сега само прашање на време е само официјална потврда од страна на клубот.