Македонските ракометари го добија противникот за баражот за СП

Македонската ракометна репрезентација денеска го доби противникот со кој ќе се соочи во баражот за Светското ракометно првенство, а тоа е репрезентацијата на Фарските Острови.

Селекцијата која бележи огромен напредок и беше учесник на се уште актуелното Европско првенство ќе биде пречка за македонскиот состав на патот кон мундијалот, а нашата репрезентација ќе биде домаќин на вториот дуел.

Двомечот ќе се игра во првата половина на мај, односно на 8. мај е закажана првата средба, а реваншот треба да се одигра четири дена подоцна.

СП во 2025 година ќе се одржи во Данска, Норвешка и Хрватска.

Од останатите парови се издвојуваат дуелите на Шпанија и Србија, односно Словенија и Швајцарија, по што е јасно дека на мундијалот ќе недостасуваат дел од учесниците на последното ЕП.

Пласман на СП веќе обезбедија кодомаќините, Шведска, Франција и Германија.