Новиот тренер на Наполи ја испрати првата порака: Многу сум мотивиран и амбициозен…

Италијанскиот прволигаш Наполи дефинитивно го реши најважното прашање, наследникот на досегашниот предводник на екипата Лучијано Спалети.

Првиот човек на калчолигашот, Аурелио Де Лаурентис се одлучи за интересен избор и довербата му ја даде на некогашниот тренер на Рома, Руди Гарсија кој последниот ангажман го имаше во Ал Наср во Саудиска Арабија.

Гарсија најголемите успеси како тренер ги имаше како предводник на Лил, ама тоа беше пред повеќе од една деценија и времето ќе покаже дали Наполи направи вистинско избор со неговиот ангажман. Во меѓувреме Гарсија ја испрати првата порака и тоа преку социјалните мрежи.

-Какво задоволство да му се приклучам на проектот на Наполи. Какво задоволство да се вратам во Италија. Мотивиран и амбициозен повеќе од било кога да продолжам да ги носам боите на шампионот, -порача Французинот.

Che piacere sposare il progetto del Napoli. Che piacere tornare in Italia. Sono motivato e ambizioso ora come non mai per continuare a portare in alto i colori dei Campioni d’Italia.
RG pic.twitter.com/II8pQ3AgCF

— Rudi Garcia (@RudiGarcia) June 15, 2023