Мукаетов по успехот на ракометарите: Тука сме за да градиме уште поубава приказна

Пласманот на Светското првенство во 2023 година е уште еден успех на машката ракометна репрезентација во успешниот претседателски мандат на Живко Мукаетов, а првиот човек на Ракометната федерација на Македонија не штедеше комплименти за Кире Лазаров и неговите избраници.

По големата победа над Чешка во Скопје, Мукаетов уште еднаш го истакна овој нов успех на нашите ракометари.

– Пресреќен сум, овие момци покажаа дека имаат квалитет и карактер и се што потребно.

– Покажавме дека имаме иднина во машкиот, а јас се надевам и во женскиот ракомет. Напред Македонија, тука сме заедно да градиме уште поубава приказна, уште повеќе да инвестираме во македонски ракометари и во развој на македонскиот ракомет.

– Македонските спортисти покажуваат што значи да се има достоинство и како да се треба да се бориш за сопствената држава, – изјави Мукаетов по остварениот мундијалски пласман.