ЛеБрон згрозен од спортскиот срам кој ја шокираше Америка: Да бев јас таму…. (Видео)

Американската јавност е згрозена од ужасната и насилничка сцена која пристигна од еден детски фудбалски турнир кој се одржал на Флорида.

Спортските медиуми од Америка на големо бараат да се пронајде човекот и веднаш да му се одземе лиценцата за работење со деца и било какви спортови, откако на снимката се гледа како тренерот безмилосно удира едно немоќно дете од неговиот тим.

Насилникот во два наврати навистина жестоко и немилосрдно го удира малото дете, а во моменти кога цела јавност е шокирана и се прават петиции на социјалните мрежи за да му се врачи тешка казна на напаѓачот, не остана рамнодушен ниту ЛеБрон Џејмс.

Големата НБА ѕвезда со многу лутина ја проследи сцената на својот Инстаграм профил, потенцирајќи дека ќе употребел нешто многу потешко од зборови да го видел ова во живо.

– Не е можно! Да бев таму, дури и да не е мое дете, ќе имаше многу повеќе од зборови, тоа е сигурно, – порача ЛеБрон.