Ждрепка за ЕП: Македонија ќе го пречека актуелниот вицешампион во Скопје

Македонија ќе биде коорганизатор на престојното ракометно Европско првенство во женска конкуренција, а нашата репрезентација денеска ги доби и противниците во група, на турнирот кој ќе се одржува меѓу 4 и 20 ноември годинава.

Однапред беше познато дека Македонија ќе биде домаќин на групата Ц во Скопје, а денешната ждрепка во Љубљана, одлучи противници да ни бидат актуелниот европски вицешампион Франција, односно Холандија и Романија.

Во втората рунда на турнирот ќе продолжат екипите од првото до третото место, а потоа ќе следи разигрувањето и најважните натпревари.

Скопје ќе биде домаќин на групата Ц и дуелите во втората фаза на турнирот, додека завршните натпревари ќе се играат во словенечката престолнина Љубљана. Покрај Скопје и Љубљана, домаќини на натпревари ќе бидат и Целје и Подгорица.

Група А: Норвешка, Унгарија, Хрватска, Швајцарија
Група Б: Данска, Шведска, Словенија, Србија
Група Ц: Франција, Холандија, Македонија, Романија
Група Д: Полска, Црна Гора, Германија, Шпанија