Вардар се мрдна од „мртва точка“, промовирано и второто засилување

Скопски Вардар веројатно ги надмина проблемите и полека почна да го оформува тимот со кој ќе истрча во вториот дел од сезоната во Втората македонска фудбалска лига.

По официјализирањето на соработката со Дарко Размоски кој дојде од Охрид, денеска „црвено црните“ се пофалија со уште една аквизиција.

Нов фудбалер на Вардар ќе биде искусниот напаѓач, Дејан Цветаноски кој доаѓа од екипата на прволигашот Силекс, а досега во кариерата ги носел дресовите на Струга, Ренова, Победа и Пелистер.

Вардар во моментов е второпласиран на табелата во ВМФЛ, а покрај турбулентната зима, клубот најави дека до крај ќе се бори за влез во најелитното фудбалско натпреварување во Македонија.