Тешка победа за Димитријевиќ и Уникс Казан во ВТБ лигата

Уникс Казан на нашиот Ненад Димитријевиќ забележа тешка победа над Нижни Новгород (86-85) во првиот меч од новата фаза во ВТБ лигата.

Домаќините важеа за апсолутни фаворити, статус кој на крајот го потврдијам, ама многу потешко од очекувањата со пресврт во вториот дел или поточно четвртата четвртина која ја добија со 23-13 со тоа што како клучна се покажа тројката на Мејкон на седум секунди до крајот.

Токму херојот Мејкон со 31 поен беше прв стрелец кај Уникс, Лабери додаде 18 по што следуваше Димитријевиќ со 9 поени, 2 скока, 5 асистенции, но и 5 фаули поради кои предвреме го заврши натпреварот.

Кај гостите лидер беше Салаш со 17 поени.

Во следната рунда Уникс е домаќин на Локомотив Кубан.