Струга со „тројка“ ја освои Струмица, шампионот падна во Штип

Тимот на Струга Трим Љум продолжува да игра без грешка во Првата македонска лига и по денешното коло има фантастични „шест од шест“.

Најнова жртва на избраниците на Захариевски е составот на Академија Пандев која беше совладана на нејзин терен со убедливи 3-0. Шабани погоди во првото, а Ибраими и Мерџани во второто полувреме за лидерот во домашниот шампионат кој сега има плус седум во однос на Шкендија и Силекс кои ја делат втората позиција.

Шкупи е во криза, а уште еден доказ е поразот кој денеска го претрпе во Штип од Брегалница. Адетунџи поцрвене во првиот дел, ситуација која домаќините ја искористија во продолжението и со погодоците на Ѓорѓиев оствари триумф од 2-0.

Шкендија не го потврди статусот на фаворит и ремизираше со Македонија ЃП, додека Скопје и Силекс славеа над Победа, односно Тиквеш.