Снајдер извлече атрактивни полуфинални парови за завршниот турнир во Лигата на нации (Фото)

Фајнал-фор турнирот во Лига на нации е закажан за месец јуни оваа година, а денеска претпладне се изврши ждрепката за селекциите кои ќе се борат за титулата.

Турнирот ќе се одржи во Холандија од 14-ти до 18-ти јуни и ќе се игра на стадионоте ви Ротердам и Еншеде, а ждрепката која ја изврши Весли Снајдер посака домаќинот да го отвори натпреварувањето против Хрватска.

Селекцијата од Балканот имаше одлично патување на мундијалот во Катар и одново покажа дека е фудбалка велесила, па во Холандија сигурно ќе има сериозен ривал, не само поради тоа што ќе игра против домаќинот, туку и поради квалитетот на „лалињата“.

Во второто полуфинале, силите на 15-ти јуни ќе ги одмерат Италија и Шпанија во Еншеде и тоа ќе биде големо европско дерби, во кое „фуријата“ ќе биде предводена од новиот селектор Де Ла Фуенте.

Натпреварот за третото место ќе се игра на 18-ти во 15:00 часот, додека финалето е закажано за Ротердам истиот ден во 20:45 часот.

The 2023 #NationsLeague Finals!

🇳🇱🇭🇷🇪🇸🇮🇹 Who will go all the way? pic.twitter.com/K53XCIVHx4

— UEFA EURO 2024 (@EURO2024) January 25, 2023