Салах го надмина Анри и постави нов рекорд во Европа (ФОТО)

Ливерпул немаше никакви проблеми во дуелот со Тулуз во рамките на третото коло од групната фаза на Лига Европа.

Премиерлигашот во својот дом славеше со 5-1 и го задржа максималниот учинок во конкуренцијата Е во ова натпреварување. Домашниот стратег Јирген Клоп ги измеша картите за овој меч, меѓутоа и комбинираниот тим си ја заврши работата.

Мо Салах влезе во игра во 70 минута, но и тој мал простор што го доби беше доволен да се запише во листата на стрелци и со тоа да испише нова историја. Напаѓачот погоди во завршницата на пресметката, а тоа беше 43 негов гол за „црвените“ во натпреварувањата кои се под капа на УЕФА.

Со ова тој стана најефикасен играч на некој англиски клуб во Европа, поточно го остави зад себе Тјери Анри кој своевремено за Арсенал беше автор на 42 погодоци. Во Топ 5 листата се уште Серхио Агуеро, Дидие Дрогба и Хари Кејн.

With his goal against Toulouse tonight, Mohamed Salah has now scored 43 goals for Liverpool in major European competitions, the most of any player for an English club.

Who's your favourite goalscorer from the Top 10? ⚽️ pic.twitter.com/VtCLJRVsh8

— The Athletic | Football (@TheAthleticFC) October 26, 2023