Продолжува австриската бајка на ЕП: Гол во последниот напад за победа над фаворизираната Унгарија (Видео)

Селекцијата на Австрија е најпријатно изненадување на актуелното Европско првенство во Германија, а тоа го покажа и на првиот меч во втората фаза на шампионатот.

Откако во воведната фаза забележа една победа и запиша два нерешение дуели против силните Хрватска и Шпанија, Австријците денеска покажаа дека навистина не признаваат фаворити.

Унгарија влезе како далеку подобра селекција на хартија, па иако во воведната фаза на средбата водеше со 8:4, на крајот мораше да се помири со прв пораз на шампионатот, и тоа навистина драматичен.

Австрија првпат поведе во 43-та минута на мечот при резултат 23:22, но од тука до крајот на мечот се играше крајно израмнето и на крајот пресуди последниот напад во кој Билик беше херој.

Најдобриот играч на Австрија ја круниса својата брилијантна партија со победнички гол кој беше осми за него, а изивонредни беа и Вебер и Хутачек кои постигнаа по шест.

Austria and Nikola Bylik do it again and this time they claim a big win against Hungary!

8 goals for Bylik and the game winner!

🇦🇹 30-29 🇭🇺 pic.twitter.com/SEkRxEsLW2

— (Un)informed Handball Hour (@HandballHour) January 18, 2024