Обрадовиќ со барање до навивачите пред мајсторката со Звезда: Најголема помош…

Вечерва се игра последниот меч за оваа сезона во АБА лигата, дуел меѓу вечните ривали Партизан и Црвена Звезда кој ќе го даде шампионот во ова натпреварување.

„Црно-белите“ водеа со 2-0, Звезда потоа возврати на двете средби кои ги играше на домашен тере, па сега мајсторка ќе решава за првакот. Партизан игра дома и тоа треба да биде голема предност, но ова се специјални дуели, натпревари во кои се во прашање нијанси и дефинитивно ќе биде доста тешко, интересно од 20 часот.

Пред мечот тренерот на домаќините, Жељко Обрадовиќ им се обрати на навивачите и им посочи како можат да бидат од најголема помош.

-Петтa финална средба, 2-2 во серија, изедначено. Секако прво да им испратам порака до навивачите на Партизан кои годинава беа феноменални, кои го носеа тимот и кои ни беа ветер во грб, кои секогаш ни даваа дополнителен мотив на сите, да го направат тоа повторно во овој натпревар. Да се ​​бодри тимот, но секако се да биде фер и спортско. Да не падне ниту една паричка на теренот. Тоа би ни била најголема помош.

-Ги молам и ги проколнувам уште еднаш дека навивањето да биде на ниво. Без навреди. Повторувам, без да фрлате парчиња хартија или парички во паркетот. Повторно, тоа би била најголемата можна помош што би можеле да ни ја дадат во овој момент. Секако, ќе дадеме се од себе да ја завршиме серијата со победа и да станеме шампиони во АБА лигата против одлична екипа како Црвена звезда, -порача Обрадовиќ.

Средбата ќе започне од 20 часот.