Некои навики не се менуваат: Џерард лудо прослави гол против Селтик и ги разбесни противничките фанови (Видео)

Денеска на „Енфилд Роуд“ се одигра ревијален натпревар меѓу легендите на Ливерпул и оние на Селтик, но од она што можеше да се види на теренот, дел од поранешните играчи доста сериозно си ја сфатија работата.

Стивен Џерард како капитен на Ливерпул го предводеше својот тим во победата од 2:0, но начинот на кој го славеше голот во првото полувреме направи тој момент да стане вирален во Англија.

Некои навики не се менуваат и Стиви Џи со огромна сатисфкација славеше на ревијалната средба, а голем дел од гостинските навивачи тоа го сфатија како директна провокација и веднаш возвратија.

Како поранешен менаџер на Ренџерс, Џерард е омразен лик меѓу навивачите на Селтик, кои попладнево добија дополнителна мотивација да го нападнат поранешниот капитен на Ливерпул.

Џерард со големи емоции славеше пред гостинските фанови од Шкотска, кои не останаа должни и го гаѓаа Стиви со шишиња, парички и различни предмети.

GERRARD SCORES AND GIVES IT TO THE CELTIC FANS!😂 pic.twitter.com/7NPY6FvlVr

— The Redmen TV (@TheRedmenTV) March 25, 2023

The perfect angle of Gerrard’s Celtic celebration 👍 pic.twitter.com/Rllo6swZj8

— The Rangers Review (@RangersReview55) March 25, 2023