Митревски доби заслужено признание од ЕХФ за голманскиот мастерклас во ЛШ (Фото)

Никола Митревски уште долго ќе ја памети изминатава вечер во ракометна Европа, бидејќи македонскиот репрезентативен голман имаше едно од своите најдобри изданија во кариерата.

Митревски брилјираше на голот на Порто и одигра круцијална улога во големата победа која ја оствари португалскиот тим над Пиг Сегед, завршувајќи го мечот со застрашувачки 15 интервенции и една асистенција за гол.

Поради неверојатниот учинок, на крајот Митревски доби заслужено признание од страна на ЕХФ и беше прогласен за играч на мечот во триумфот од 25:19, дуел во кој имаше речиси 47 проценти одбранети удари.

Од вкупно 32 испратени удари, Митревски дури 15 пати успешно интервенираше, а посебно луда и неверојатна беше парадата која ја изведе пред очите на Канељас, а по која без текст остана и коментаторот на ЕХФ.

For his great performance in the #ehfcl #motw, not to mention the save everyone is talking about, the Player of the Match presented by @iqoniq is none other than Mitrevski 🔥 pic.twitter.com/qZUnLMxRgQ

— EHF Champions League (@ehfcl) October 15, 2020

Talk about unscripted drama! This #ehfcl #motw play is so unexpected, we don't want to tell you how it ends 🙌 @pickhandball @FCPorto pic.twitter.com/O7w8gH4YZl

— EHF Champions League (@ehfcl) October 15, 2020