Мекиќ и Задар преку неизвесна завршница до победа против Шибенка

Задар на македонскиот репрезентативец, Адем Мекиќ дојде до втората победа во вториот натпревар во првата кошаркарска лига на Хрватска.

Составот на Задар иако важеше за голем фаворит во дуелот со Шибенка мораше добро да се испоти за да го оправда тој статус на ова гостување. Гостите го искористија своето искуство и со добра завршна четврта четвртина го свртија резултатот во своја полза, ги издражаа сите напади на противникот за конечни 80-75.

Мекиќ влезе од клупата и за 18 минути уфрли 7 поени со 1 скок, 2 украдени и 2 загубени топки, а направи и четири прекршоци.

Дрежњак беше лидер со 23 кошеви, додека пак за домаќините не беа доволни ниту 28 поени на Хрштиќ.

Во наредната рунда Задар се соочува со Алкар.