Ловрен ги „поздрави“ хејтерите откако Салах испиша историја во ЛШ (Фото)

Мохамед Салах беше резерва на мечот со Ренџерс во Лигата на шампионите, но и покрај тоа, истиот го заврши како најдобар поединец на теренот и испиша историја во најелитното натпреварување.

Египќанецот стави крај на лошиот голгетерски период и постигна три гола за само шест минути, што прави да биде најбрз хет-трик во постоењето на Лигата на шампионите.

Неверојатниот блицкриг на Салах му овозможи на Ливерпул да оствари победа со високи 1:7 на гостувањето во Шкотска, триумф кој треба да послужи навистина добро пред големото дерби кое следи во Премиер лигата.

Ливерпул ќе одигра меч против Манчестер Сити претстојниот викенд, а фановите не можеа да добијат подобри вести од разиграни Мо Салах и Боби Фирмино. Воодушевен од изданието на Ливерпул остана и поранешниот стопер на „црвените“, Дејан Ловрен.

– 15 минути е на теренот, хет-трик од Мо Салах! Хејтери само продолжете, ќе се случи само спротивното. Секоја чест Ливерпул, – порача Ловрен.

15min of playing time, hat trick from @MoSalah ! Haters, just continue. Only the opposite will happen. 🤫

Well done LFC.

— Dejan Lovren (@Dejan06Lovren) October 12, 2022