Капитенот Митревски се повреди, Кизиќ ќе биде во составот за пресметката со Швајцарија

Македонија вечерва го игра последниот меч во групата А на Европското првенство, дуел со селекцијата на Швајцарија на кој нема да можеме да сметаме на услугите на капитенот Никола Митревски.

Нашиот најдобар голман има повреда на бутниот мускул и квадрицепсот на две места, па токму поради тоа е во „аут“ за оваа пресметка на која ние се надеваме на добро издание и позитивен резултат.

Ова значи дека друштво на Мартин Томовски кога се во прашање голманите ќе му прави членот на Еурофарм Пелистер, Марко Кизиќ.

Само за потсетување средбата во Берлин започнува во 18 часот, Македонија во истата влегува без бодови, додека пак Швајцарците имаат еден поен од ремито со Франција.