Ѓорческа по втор пат во кариерата ќе се бори за влез во главната фаза на Австралија Опен

Најквалитетната македонска тенисерка, Лина Ѓорческа по втор пат во нејзината кариерата ќе има можност да избори место во главната фаза на еден од најважните турнири во светот на белиот спорт-Австралија Опен.

Ѓорческа пред неколку години (2017) беше на чекор од пласман во главниот ждреб, поточно падна во третото квалификациско коло во кое загуби од Стефани Вогел од Швајцарија со 2-1 во сетови (46 63 62).

Веднаш по нова година Лина ќе отпатува за Мелбурн каде од 8 јануари почнуваат квалификациите, а турнирот стартува на 14. јануари.

Инаку за тетовката која е на 216 место на ВТА листата ова ќе биде седми настап во квалификации на грен слем турнир (три на Ју-Ес Опен, по еден на Австралија Опен, Ролан Гарос и Вимблдон).