Ѓорческа ќе се бори за титулата во Сплит, Ивановски стигна до полуфиналето во Дубровник

Македонските асови, Лина Ѓорческа и Калин Ивановски одлично напредуваат во игра на двојки на ИТФ фјучерсите кои ги играа во Хрватска.

Ѓорческа настапува на силниот турнир во Сплит, а таму заедно со Вероника Ерјавец се на една победа од титула. Македонско-словеченката комбинација славеше над Сара Бејлек и Луси Хавличкова со 2-1 во сетови на теренот број еден.

Доста интересно, возбудливо беше во битката која траеше час и половина, битка во која чешките претставници поведоа со 7-5, но потоа стигна одговорот од Лина и Вероника кои со 6-4 и 10-6 обезбедија место во финалето во кое ќе ги одмерат силите со Тара Вурт (Хрватска) и Ника Радишиќ (Словенија).

Ивановски пак со Лука Микрут ги решија Марко Баничевиќ и Кристијан Тумбас Кајго со 6-2 и 6-4, па сега одат на мегдан со првите носители Адам Тејлор (Австралија) и Ерик Вансхелбом (Украина).

Ако Калин и Лука имаат нова добра партија, дојдат до посакуваниот резултат тогаш ќе ги чека меч за пехар на фјучерсот кој се игра на земјена подлога за 25.000 долари.