Две мега-пресметки во осминафиналето во ЛШ, Елмас и соиграчите добија посакуван ривал (Фото)

Осминафиналната ждрепка во Лигата на шампионите се одржа точно напладне во Нион, каде човек на одлука беше Хамит Алтинтоп како претставник на Турција која е домаќин на големото финале.

„Патот кон Истанбул“ започна со првите парови извлечени во нокаут рундата, а раката на Алтинтоп вкрсти четири големи ривали еден против друг, односно ќе гледаме две мега пресметки уште во осминафиналето.

Ливерпул и Реал Мадрид ќе ги одмерат силите во првата нокаут рунда што ќе биде реприза на минатогодишното финале, додека второто супер дерби е она меѓу ПСЖ и Баерн Минхен.

Наполи на нашиот Елиф Елмас доби противник по мерка, односно ги избегна најнезгодните противници од вториот барабан и ќе ги вкрсти копјата со изненадувањето Ајнтрахт Франкфурт.

Интересни треба да бидат и двете пресметки меѓу Борусија Дортмунд и Челси, како и оние меѓу Интер и Порто, или Милан и Тотенехем.

Ред Бул Лајпциг – Манчестер Сити
Клуб Бриж – Бенфика
Ливерпул – Реал Мадрид
Милан – Тотенхем
Ајнтрахт Франкфурт – Наполи
Борусија Дортмунд – Челси
Интер – Порто
ПСЖ – Баерн