Драма во Скопје: Нексе подобро шутираше пенали, Вардар нема да игра на Ф4 во Задар

Ракометарите на Вардар 1961 ја загубија драмата со Нексе во четвртфиналната рунда во СЕХА лигата.

Во супер интересен, трилер натпревар „црвено-црните“ дадоа се од себе во СЦ „Јане Сандански“, имаа и напад за победа кој не го реализираа по што се изведуваа удари од седум метри во кои хрватскиот претставник беше подобар или поточно голманот Радовановиќ ги прочита Талески и Ѓукиќ, додека на спротивната страна Гогов и Томовски немаа ниту една интервенција.

Што се однесува со самиот меч гостите го Нашице го добија првиот дел со 15-12 и во вториот дел постојано беа во предност, избраниците на Недановски бркаа, но дури до на крајот дојдоа до водство од 27-26 и 28-27, меѓутоа Нексе израмнуваше за да во последниот напад македонскиот шампион не реализира преку Талески.

На крајот Талески со 11 и Манасков со 8 гола беа најефикасни, кај победниците кои одат на завршниот турнир во Задар прв стрелец беше Сршен со 8 погодоци.