Чудесна победа на Сан Антонио, Клиперс се загреа за дербито со Лејкерс (ВИДЕО)

Кошаркарите на Сан Антонио Спарс остварија чудесна победа над Феникс Санс од 115:104 во еден од трите натпревари кои се одиграа во НБА лигата.

Тимот од Тексас имаше негатива и од 20 разлика во пресметката со „сонцата“, ама не се откажуваше, се бореше, меѓутоа и покрај сите обиде изгледаше дека Феникс ќе ја оправда улогата на фаворит со оглед на тоа што во завршните 10 секунди влезе со предност од 114:111.

Меѓутоа играчите на Спарс имаа поинакво размислување, па така прво Вембањама направи офанзивен скок и намали на 114:113 за да потоа момците на Попович одиграат пресинг низ целиот терен, го притиснат Дурент кој ја загуби топката или поточно Џонсон му ја украде и даде кош за 115:114. Потоа Дурент не го погоди последниот шут, па противничкиот тим можеше да почне да ја слави големата победа.

Wemby got the put back and then the Spurs stole it from KD to win the game!

San Antonio steals one from Suns 🤠

🎥 @NBATV pic.twitter.com/wOKNuNybua

— The Athletic (@TheAthletic) November 1, 2023

Џонсон со 27 поени беше прв стрелец, Васел и Вембањама уфрлија по 18 кошеви. Кај Феникс комплетната стартна петорка беше двоцифрена, ама тоа не беше доволно за поволен резултат.

ЛА Клиперс пак го суреди Орландо Меџик со 118:102 и на најдобар начин го најави дербито со градскиот ривал Лејкерс. Лидер беше Џорџ со 27 поени на кои придодаде 7 скока и 7 асистенции.

На третиот меч Њујорк Никс го надигра Кливленд Кавалирс со 109:91.