Вемби шоу: Французинот блескаше и го откажа упорниот Феникс (Видео)

Виктор Вембанјама го одигра својот досега најдобар натпревар во НБА лигата, па со дабл-дабл учинок му помогна на Сан Антонио да го победи Феникс на гостински терен.

Французинот постигна 38 поени и забележа 10 скокови, а беше одлучувачки фактор во финишот во кој ги постигна најважните поени кога Спарс го одлучуваа победникот во завршницата.

Гостите во еден момент од дуелот имаа 27 поени предност, но Феникс се врати на егал 4:21 минути до крајот, што беше момент за будење и за првиот пик на годинешниот драфт. Гостите одговорија со серија 12:0, а дури десет од тие дванаесет поени се запишани зад името на Вембанјама.

Дурент и Букер постигнаа по 28, односно 31 поен, но тоа не беше доволно за позитивен резултат на Феникс, кој веќе има три порази на пет натпревари.

Ембид и Убре со 28, односно 23 поени биле најзаслужни за победата на Филаделфија над Торонто, додека МекКалум со 33 поени го предводеше Њу Орлеанс до триумф против Детроит.

Феникс-Сан Антонио 121:132
Филаделфија-Торонто 114:99
Њу Орлеанс-Детроит 125:116
Јута-Орландо 113:115