Син на српска кошаркарска легенда сака да настапува за Грција

“I’m looking forward to getting out there and representing Sacramento and Greece, I’m super excited.”
Jesuit’s Andrej Stojakovic receives his McDonald’s All-American jersey @AndrejSto2 @PejaStojakovic @Jesuitsacbball @SacramentoKings @Compton_Magic @McDAAG @kcranews pic.twitter.com/oT2uBG0NMP

— Michelle Dapper (@KCRAdapper) February 17, 2023

Српската кошаркарска репрезентација традиционално е исполнета со еминентни кошаркарски имиња кои настапуваат низ Европа и во НБА, но се чини дека во иднина во српскиот дрес нема да го гледаме Андреј Стојаковиќ.

Талентираниот кошаркар е син на легендарниот Предраг Стојаковиќ, но деновиве посочил дека преферира да настапува за Грција.

Стојаковиќ јуниор е роден во Грција додека неговиот татко настапуваше во оваа земја, а порасна во САД, а очигледно ја избрал земјата од која потекнува неговата мајка.

– Минатата година не ни можев да помислам на вакво нешто. Сега сум возбуден што можам да настапувам за Сакраменто и Грција, – изјавил Стојаковиќ, шокирајќи ги и српските медиуми кои ја пренесоа информацијата.

Андреј настапува за Џесуит, а веќе го избра Стенфорд за своја универзитетска и кошаркарска дестинација.