Саутгејт ги изненади англиските фанови со едно решение за составот против Хрватска

Англиската фудбалска репрезентација го отвора настапот на Европското првенство со дерби дуел против Хрватска, а селекторот Герет Саутгејт направи едно интересно изненадување во составот.

Англиските фанови се изненадени од фактот што на позицијата лев бек ќе настапи Киран Трипие, а најголем дел од нивните реакции се негативни и велат дека Саутгејт експериментира непотребно бидејќи има квалитетни фудбалери на оваа позиција (Чилвел и Шоу).

Голем број фанови посакуваа стартер да биде и Грилиш, но тој ќе чека шанса од клупата.

На „Вембли“ во стартниот состав ќе истрчаат Пикфорд, Вокер, Рајс, Стоунс, Трипие, Филипс, Мингс, Маунт, Фоуден, Стерлинг и Кејн.

Хрватскиот селектор Златко Далиќ го испрати досега стандардниот лев бек Борна Баришиќ на трибините, а на левата страна ќе настапи Јошко Гвардиол.

На голот е Ливаковиќ, а во тимот се и Гвардиол, Вида, Чалета-Цар, Врсаљко, Брозовиќ, Ковачиќ, Модриќ, Перишиќ, Крамариќ и Ребиќ.

Натпреварот започнува од 15 часот.