Поранешен рели возач од Дубаи го наследи Жан Тод на претседателската позиција во ФИА

Мохамед бен Сулајем денеска е избран за нов претседател на ФИА и ќе го наследи Жан Тод, кој се повлече од функцијата која ја извршуваше последните дванаесет години.

Бен Сулајем е поранешен рели возач кој живее во Дубаи ги доби претседателските избори во дуелот со британскиот адвокат Греем Стокер, кој му беше близок соработник на Тод од 2009 година.

ФИА е надлежно тело за првенства како Формула 1, Формула Е, ВРЦ рели и Светскиот шампионат во издржливост, а 60-годишниот Бен Сулајем ќе биде прв неевропски претседател.

Тој во својот ја има Фабијана Еклстоун, актуелната сопруга на поранешниот прв човек на Формула 1, Берни Еклстоун, а истата ќе биде потпретседател за спорт за Јужна Америка.

Една од првите задачи на новиот предводник на ФИА е да ја нормализира ситуацијата во Формула 1, каде Луис Хамилтон и неговиот тим Мерцедес обвинија дека биле „ограбени“ и нечесно останале без титулата.