Неутешниот Дибала не можеше да ги сокрие солзите на последниот натпревар како член на Јувентус во Торино (Видео)

Пауло Дибала исто како и Џорџо Кјелини вечерва против Лацио го одигра последниот натпревар во дресот на Јувентус пред домашната публика.

Аргентинецот не најде заедничи јазик со управата на клубот и ова лето како слободен агент ќе пронајде нова средина каде ќе ја продолжи кариерата.

По крајот на натпреварот против Лацио беше организиран почесен круг на играчите околу „Алијанц“ стадионот, а при тој круг Дибала не можеше да ги задржи емоциите.

Аргентинецот изгледаше неутешно и постојано плачеше, а неговите соиграчи беа покрај него за да го поддржат.

Навивачите од трибините исто така му дадоа поддршка на Дибала, кој за разлика од Кјелини емотивно „прсна“ и не можеше да запре да плаче.

Paulo Dybala tonight after his last game as Juventus player in Turin. 💔⚪️⚫️ #Dybala

He’s gonna leave the club on a free transfer as no agreement has been reached to extend his contract.@CBSSportsGolazo ⤵️🎥pic.twitter.com/WEJbA3vuLX

— Fabrizio Romano (@FabrizioRomano) May 16, 2022