Миланско дерби за новиот италијански репрезентативец

Иако има доста да се одигра до крајот на оваа сезона, клубовите веќе размислуваат, кројат планови и за наредната при што дефинитивно ќе имаме судири на добро познати тимови за одредени играчи кога е во прашање летниот преоден рок.

„Тутоспорт“ и „Газета Дело Спорт“ пренесуваат дека Интер и Милан имаа иста трансфер цел, а тоа е новиот италијански репрезентативец Матео Ратеги. Ратеги е играч на Бока Јуниорс кој игра на позајмица во Тигре, а добрата негова форма беше препорака да биде повикан од селекторот Роберот Манчини за дуелите со Англија и Малта.

Тука Матео ќе има можност да се покаже и докаже дека е спремен за трансфер во Европа. Наводно Интер води во трката за неговиот потпис, но ако се суди по изјавата на таткото на напаѓачот кој е воедно него агент „нероаѕурите“ ќе треба сериозно да се потрудат затоа што конкуренцијата е жестока.

-Многу клубови го бркаат и играат во Европа очигледно е неговиот сон. Заинтересирани се клубови од Германија, Италија, Шпанија, Германија и од Премиер лигата. Засега Матео е фокусиран на „аѕурите“, тој е среќен и возбуден, убеден во својата одлука, -истакнал Карлос.