Манчестер Јунајтед тропа на вратата на голем дански талент

Манчестер Јунајтед наскоро може да добие нов сопственик, но таквата промена нема да влијае на плановите на спортскиот оддел на премиерлигашот.

А скаутите на „црвените ѓаволи“ периодов сериозно го следат Расмус Хојлунд, големиот дански потенцијал кој го носи дресот на Аталанта и веќе го привлече вниманието на поголем број европски клубови.

Хојлунд игра импресивна сезона, а постигнува важни голови и за својата репрезентација, со што го предизвикал вниманието и на Манчестер Јунајтед.

Раководството на клубот знае дека ќе треба да издвои сериозна сума за овој трансфер, но таа би била многу помала од инвестицијата за Виктор Осимен или Хари Кејн.

Хојлунд има само 20 години, а во Бергамо стигна од редовите на Штурм.