Литванците подобри од Словенија, ќе се борат за петтото место на СП

Литванската кошаркарска репрезентација ќе се бори за петтото место на кошаркарскиот мундијал, за што се избори со денешната победа над Словенија (100:84).

Двете селекции загубија во четвртфиналните пресметки и им остана да разигруваат од 5 до 8. место, а Лука Дончиќ и неговите репрезентативни колеги доживеаја и втор пораз во два дена.

По вчерашниот од Канада, Словенците денеска немаа решение ниту за Литванија, која стигна до уште еден триумф на ова СП и закажа интересен меч со Летонија.

Валанчијунас со 24 поени и 12 скокови беше најдобар поединец кај победничката селекција, додека Дончиќ реализираше 29 во редовите на Словенија.

Словенија ќе се бори за седмото место против Италија.