Канадска пливачка откри дека некој ја издрогирал за време на СП во Будимпешта

Познатата канадска пливачка Мери-Софи Харви излезе со откритие дека била издрогирана за време на Светското првенство во Будимпешта.

22-годишната пливачка открила дека постои период од четири до шест часа за кои воопшто не се сеќава што се случувало, а инцидентот се случил за време на последната вечер од престижниот пливачки турнир.

Харви завршила со модринки и изместено ребро, по што побарала лекарска помош.

– Завршив во болница, каде разговарав со доктори и психолози. Ми кажаа дека такви работи се случуваат многу почесто од што мислиме и дека сум минала добро со такви минимални повреди, – изјавила канадската пливачка.

ФИНА отвори истрага за случајот, а жртвата апелираше за поголема внимателност, бидејќи во реалноста постојат многу вакви случаи.

 

View this post on Instagram

 

A post shared by MARY-SOPHIE HARVEY✨ (@marysophieharvey)