Кадетите минимално поразени од Швајцарија, следи решавачкиот дуел со Косово

Македонската ракометна репрезентација до 18 години доживеа пораз од Швајцарија од 27:26 во втората средба од квалификациите за Европското првенство.

Вчера избраниците на Наум Танески ја добија Словачка, но денеска немаа решение за Швајцарците или поточно како клучно се покажа првото полувреме кое противникот го доби со 15:10.

Ние во вториот дел се обидувавме да направиме кам-бек, притискавме, ама и покрај тоа што одигравме на повисоко ниво тоа не беше доволно за да се дојде до позитивен резултат. Најефикасен беше Митев со шест погодоци, по пет постигнаа Ристевски и Пецаноски.

Сега за македонските надежи следи клучниот меч за пласман на ЕП, пресметката со Косово кој претрпе два убедливи порази од Словачка и Швајцарија, односно со триумф треба да обезбедиме место на кадетскиот континентален собир.