Јакимовски втор стрелец во 14. победа на Вашингтон Стејт (ВИДЕО)

Вашингтон Стејт на македонскиот репрезентативец, Андреј Јакимовски ја забележа 14. сезонска победа во НЦАА лигата.

Јакимовски и неговите другари беа подобри од универзитетот Јута со 79:57 со што потврдија дека се во одлична форма со оглед на тоа што за екипата ова беше четврто славје во последните пет натпревари.

Првото полувреме беше израмнето и заврши со резултат 33:30, но второто мина комплетно во знакот на Кугарс кои со 46:27 го потврдија статусот на фаворити.

Со вкупно 14 поени Андреј беше втор стрелец во Вашингтон, поефикасен од него беше само Џонс кој реализираше дабл-дабл од 17 кошеви и 10 скокови.

Наредната средба за Македонецот и колегите е против Колорадо на 27 јануари.