Италијанска легенда: Жоржињо треба да се откаже од шутирање пенали

Жоржињо не реализираше четврти пенал по ред на дуелот со Македонија, а селекторот Лучијано Спалети застана зад него и порача дека нема да го менува италијанскиот прв „пеналџија“.

Но, поранешниот дефанзивец, Џузепе Бепе Бергоми, смета дека играчот на Арсенал самиот треба да се повлече од „функцијата“.

– Со цела почит кон него, Жоржињо треба да ја прифати реалноста и да признае дека изведувањето пенали веќе не е за него.

– Стилот на изведување кој го форсира веќе не функционира и најдобар доказ е пеналот против Македонија. Ја ценам неговата ментална сила и фактот што ја презема одговорноста, но што е доволно, доволно е.

– Треба да му каже на селекторот да му ја префрли обврската на друг репрезентативец, – рекол Бергоми.