Еурофарм Пелистер го скрши отпорот на Бутел во финишот, Симиќ доминираше во триумфот на Тиквеш

Еурофарм Пелистер се мачеше на гостувањето кај Бутел, но успеа да стигне до победата (21:23) во финишот на дуелот одигран денеска во Скопје.

Домашниот состав на полувреме водеше 12:10, два пати имаше плус три, последен пат со резултат 17:14, но Еурофарм Пелистер не се откажа од важните бодови и во завршницата го скрши отпорот на Бутел.

Периќ со 7 и Табоада со 5 погодоци биле најефикасни во битолскиот состав, додека кај Бутел, Мојсоски реализирал 5 гола.

Вториот тим на Еурофарм ја совлада Струга со 32:26, а репрезентативнот крило Кузманоски бил најефикасен со 7 гола во победничкиот тим.

Во Кавадарци, Тиквеш рутински го совлада Скопје со 31:24, а Симиќ постигнал дури 11 погодоци во мрежата на гостинскиот тим. Тинекс Пролет без проблеми го совлада Радовиш (30:23), а Палевски бил најдобар реализатор во домашниот тим со 8 гола.