Дембеле откри како се одлучил за трансфер во ПСЖ и што мора да поправи во својата игра

Усман Дембеле со години наназад предизвикуваше драми додека го носеше дресот на Барселона, а во таков стил и замина од клубот, неочекувано прифаќајќи ја понудата на ПСЖ.

Иако имаше одличен статус кај тренерот Чави, францускиот репрезентативец реши да му овозможи на ПСЖ да ја активира откупната клаузула и на тој начин да го добие во своите редови.

Неколку недели подоцна, Дембеле открива како бил убеден да се врати во својата земја.

– Зборував со Луис Енрике и претседателот Насер Ал Келаифи и тие ми го објаснија проектот на клубот.

– Бев задоволен од тоа што го слушнав и пресреќен сум што се вратив во Франција, настапувам во екипа која има по неколку квалитетни играчи на секоја позиција, – рекол Дембеле.

Тој истакнал и на кој елемент ќе работи наредниот период.

– Мора да бидам попрецизен и да постигнувам повеќе голови, ова важи и за националниот тим. Во репрезентацијата има силна конкуренција и должен сум да бидам подобар реализатор, – истакнал Дембеле.