Богдановиќ по големата победа на Србија: Ги посакувам Американците во финале

Богдан Богдановиќ уште еднаш беше вистински лидер на српската кошаркарска репрезентација на Светското првенство, а Србите заслужено ја победија Канада и се пласираа во финалето на мундијалот.

Капитенот на селекцијата на нашиот северен сосед истакнал дека во финалето би сакал да се соочи со Американците, кои денеска ќе го играат второто полуфинале против Германија.

– Би сакал да играме против Америка, за да ги измериме силите.

– Загубивме неколку пати од нив досега, но би сакал да играме против и поради другите играчи, подобро е кога играш против таква репрезентација во финале, – истакнал Богдановиќ.

Србија ја победи Канада со 95:86, а второто полуфинале се игра од 14:40 часот.