Во Баерн не навикнале на вакви изјави: Не им го продаваме, парите не се важни

Баерн Минхен важи за клуб кој ги собира најдобрите играчи од германската Бундеслига и ги носи во своите редови со што го ослабува противникот, а дополнително го засилува својот тим.

Такви се случаите со многу фудбалери кои „баварците“ ги донеле во своите редови во изминатите години, а очигледно истиот принцип на работа ќе го продолжат и во овој преоден рок.

Имено, во Баерн сериозно размислувале да го ангажираат офанзивецот на Баер Леверкузен, Патрик Шик кој зад себе остава извонредна сезона во која има постигнато 22 погодоци на вкупно 29 натпревари.

Но и покрај тоа што го сакаат Шик, спортскиот директор на „фармацевтите“ , Сајмон Ролфс, категорично отфрли можност чешкиот фудбалер да ја напушти „Бај Арена“ по крајот на оваа сезона.

– Нема шанси да им го продадеме Шик, парите не се важни. Патрик има договор со нашиот тим и тука ќе биде и следната сезона, -потенцираше Ролфс.