Верати: Подготвени сме за натпреварот на нашите животи

Во недела од 21 часот се игра финалето на Лигата на шампионите, а силите ќе ги одмерат Баерн Минхен и Пари Сен Жермен.

„Баварците“ ќе се обидат да дојдат до шестата европска титула, додека пак „светците“ до првата и на тој начин испишан нова страница во нивната историја. Марко Верати со нетрпение го очекува овој предизвик кој тој го нарече натпревар на нивните животи, меч за кој тој и соиграчите се подготвени да одговорат.

-ЛШ е секогаш тешка, досега имаме неверојатно патување. Останаа уште 90 минути, ова се најважни 90 минути во животот на играчот и во историјата на клубот. Мора да бидете подготвени, -истакна Верати кој ја има надминато повредата која го мачеше.

-Подобар сум, започнав бавно со тимот. Повредата беше тешка да се свари. Веќе два-три дена сум со групата и ќе направам се за да играм на натпреварот. Бев достапен во полуфиналето. Тренерот е тој што ќе донесе одлука, -порача Италијанецот.